Լոռվա Ձմեռ 2011

Լոռվա Ձմեռը Վանաձորի այն քիչ տոներից մեկն է, որ մեծ խանդավառությամբ գրավում է մեծերին ու փոքրերին:

Վանաձոր-Դիլիջան ճանապարհին, Մարգահովիտ գյուղ չհասած, ձմեռային սպորտաձևերի համար (իհարկե սիրողական) բավականին հարմար լանջեր կան Թեժ Լեռ կոչվող լեռան շրջակայքում: Հենց այ այստեղ էլ, չգիտեմ արդեն քանի տարի (ավելի լավատեղյակ լոռեցիք կարող են հուշել քոմենթներով) փետրվար ամսվա մի կիրակի հայտարարվում է «Լոռվա Ձմեռ» միջոցառման անցկացման օր:

 

Քանի որ որոշակի պաշտոնականություն կա, որպես կանոն գալիս են նաև քաղաքային ու մարզային իշխանությունների ներկայացուցիչները ու կարծեմ սովետի ժամանակ էլ հիմնարկներն իրենց կոլեկտիվներով մասնակցում էին ինչպես պառադի :)  Հիմա մի քիչ այլ է, բայց բովանդակությունն այնքան էլ չի փոխվել` ձնագունդ, սահնակ (չնայած ահագին մարդ մեծ ցելոֆանի կտորներով էլ էր սահում...), դահուկ և այլն, իսկ հետո իհարկե խորոված, քյաբաբ ու մի-մի թաս :)  Որպես կանոն էս օրն ամբողջ Վանաձորը միահամուռ, բայց տարբեր ժամերի, գալիս են ու լավ ժամանակ են անց կացնում Լոռվա Ձմեռում: Գալիս են դե իհարկե ահել ու ջահել ու նաև ջահել-ջուհուլներ սպիտակ նիվեքով ու փորձում են ցույց տան թե ինչ լավա գնում իրանց նիվեն էդ ձների մեջ... դե իհարկե հետո առանց տրակտորի տուն չեն հասնում, բայց դա արդեն ուրիշ պատմությունա :)

Կարծում եմ էս օրն ամեն դեպքում ավելի լավ կարելի է կազմակերպել ու նաև մի օրվա փոխարեն մի քանի օր անել, հրավիրել նաև այլ քաղաքներից և այլն և այլն... հուսանք!